Hum Madhe Ali Mein Daar

Hum madhe Ali mein Daar pe bhi, lafzo ko rawaani dete (×2)
Kat thi hai zabaan kat jaaye magar, paighaam zabaani dete hai.

Shahid hai adaa e meesam bhi, hum hai woh Ali ke dewaane (×2)
Jis paid pe sooli charna ho, us paid ko pani dete hai.
Hum madhe Ali mein Daar pe bhi, lafzo ko rawaani dete

Islam gawahi deta hai, jab jab bhi zaroorat deen ko padi,
Ho khoon ya daulat sarwar ke, nana aur nani dete hai.
Hum madhe Ali mein Daar pe bhi, lafzo ko rawaani dete

Qurbaan howe jab ran me Habeeb, paighaam diya duniya ko ajeeb,
Hum apne zayeefi ke badle, mazhab ko jawaani dete hai.
Hum madhe Ali mein Daar pe bhi, lafzo ko rawaani dete

Peshaaniye Hurr par yeh kehkar, rumaal ko baandha sarwar ne,
Jannat bhi rida ho jaayegi, hum aisi nishaani dete hai,
Hum madhe Ali mein Daar pe bhi, lafzo ko rawaani dete

Abbas ne paani chullu se, Dariya ko pilaa kar batlaaya,
Mutthi me hai Kauser, hum khud hi, dariyaao ko paani dete hai,
Hum madhe Ali mein Daar pe bhi, lafzo ko rawaani dete

Abbas ki turbat ke hi qareeb, paani ne theher kar batlaaya,
Main behta hu Abbas mujhe, kab hizne rawaani dete hai,
Hum madhe Ali mein Daar pe bhi, lafzo ko rawaani dete

Qaatil ko pilaaya Haider ne, lashkar ko pilaaya sarwar ne (×2)
Yeh aise gharaane waale hai, dushman ko bhi paani dete hai
Hum madhe Ali mein Daar pe bhi, lafzo ko rawaani dete

Jab maine duaaien maangi toh, asghar ne kaha mat ghabraao,
Midhat ka sharaf is bachpan me, hum tum ko bhi haani dete hai
Hum madhe Ali mein Daar pe bhi, lafzo ko rawaani dete